Dathlu 50 mlwyddiant y ffilm Holiday On The Buses

Dewch i aros gyda ni yng ngwesty 4 seren, Gwesty’r Traethau a mwynhau penwythnos o ddathliadau i nodi 50 mlynedd ers ffilmio ‘Holiday on the Buses’ yn nhref Prestatyn.

Dathlu 50 mlwyddiant y ffilm ‘Holiday On The Buses’

Y ffilm gomedi ‘Holiday on the Buses’ oedd y trydydd cynhyrchiad yn seiliedig ar y gyfres deledu ‘On the Buses’. Yr actorion Reg Varney a Doris Hare oedd sêr y ffilm hon a gafodd ei ffilmio yng ngwersyll gwyliau Pontin’s Prestatyn yn 1973. I nodi’r achlysur hwn, mae’r asiant ymddangosiadau personol Richard Coghill wedi trefnu digwyddiad i dathlu 50 mlwyddiant y ffilm ym Mhrestatyn ar 22 a 23 Gorffennaf.

Bydd aelodau’r cast, criw a staff Pontin’s yn 1973, yr ymwelwyr a gafodd rannau cefndir yn y ffilm, ac edmygwyr y ffilm, oll yn dod ynghyd i ddathlu dros y penwythnos. Mae rhaglen y penwythnos yn cynnwys sgyrsiau, sesiynau holi ac ateb, cyfle i dynnu llun gyda’r cast a’r props, taith ar fws i ymweld â lleoliadau’r ffilm, dangosiad o’r ffilm a sesiynau llofnodion.

Pam aros gyda Ni

Gwesty’r Traethau yw’r dewis delfrydol os ydych yn chwilio am rywle i aros ar gyfer dathliadau 50 mlwyddiant ‘Holiday On The Buses’ . Rydym mewn lleoliad gwych ar Draeth Barkby ac o fewn 5 munud i ganol tref hyfryd Prestatyn, mae gennym ddewis eang o ystafelloedd chwaethus, gwasanaeth o’r safon uchaf, pob math o ddewisiadau bwyd gan gynnwys Bar a Bistro’r Promenâd,  sy’n cynnig bwyd gwych a golygfeydd godidog.

Gallwch archebu tocynnau drwy ddilyn y ddolen ganlynol – hotb50th.com/tickets