Ystafelloedd Gwesty ym Mhrestatyn, Cymru

Dewch i aros i Westy’r Traethau lle gallwch fwynhau ystafelloedd moethus gyda golygfeydd godidog dros Draeth Barkby a Môr Iwerddon. Mae pob un o’n hystafelloedd wedi’u dylunio’n unigol gyda’r pwyslais ar sicrhau bod ein gwesteion yn gyfforddus ac yn cael noson dda o gwsg

Dewis o Ystafelloedd Gwesty ym Mhrestatyn, Cymru

Ni waeth pa ystafell y byddwch yn ei dewis, mae’r traeth eiliadau i ffwrdd yn unig. Gallwch ymlacio a mwynhau’r golygfeydd gwych o’r machlud, bwyta brecwast blasus, derbyn Wi-Fi am ddim a defnyddio ein pwll nofio a’n hystafelloedd hamdden. Boed ar wyliau gyda’r teulu, ymweliad busnes, gwyliau rhamantus neu benwythnos gyda’r genod, Gwesty’r Traethau yw’r lle delfrydol i gael amser gwych.

Gwesty sy’n croesawu Teuluoedd

Yma yng Ngwesty’r Traethau, rydym wrth ein bodd yn creu atgofion teuluol ar arfordir Gogledd Cymru. Mae croeso cynnes i deuluoedd yn ein gwesty ac rydym yn cynnig ystafelloedd teulu mawr sy’n berffaith ar gyfer ymlacio ar ôl diwrnod prysur ar draeth tywodlyd hyfryd Barkby. Mae digon o le yn ein hystafelloedd teulu i deuluoedd o bump ac maent yn cynnwys gwely maint brenin a dau wely sengl. Mae pob ystafell yn cynnwys teledu LCD a Wi-Fi am ddim i ddiddanu’r plant wrth i chi ymlacio yn eich ystafell.

Ymlaciwch yng Ngwesty’r Traethau

Yn ystod eich arhosiad gyda ni ym Mhrestatyn gallwch ddefnyddio ein cyfleusterau hamdden sy’n cynnwys pwll nofio dan do, sawna, ystafell stêm a champfa yn llawn offer. Mae ein pwll nofio ar agor bob dydd i westeion rhwng 6.45am ac 8pm. Gallwch fwynhau prydau blasus ym Mar a Bistro’r Promenâd lle mae ein Prif Gogydd a’r tîm yn paratoi amrywiaeth o seigiau gan ddefnyddio cynhwysion ffres, lleol.