Dewch i fwynhau’r gorau o’r hyn sydd gan ardal Gogledd Cymru i’w gynnig dros Galan Gaeaf drwy fwynhau gwyliau arswydus! Beth am wneud gwyliau hanner tymor yn brofiad arbennig drwy fynd â’r teulu ar wyliau ym mis Hydref yng Ngwesty’r Traethau, Prestatyn.
Gwyliau Calan Gaeaf ym Mhrestatyn
P’un a ydych yn teithio gyda ffrindiau neu’n mwynhau Calan Gaeaf gyda’r teulu, mae digonedd o bethau i bawb eu mwynhau ar wyliau Calan Gaeaf yng Ngogledd Cymru. Gwesty’r Traethau yw’r lleoliad perffaith i ddarganfod amrywiaeth eang o weithgareddau ac atyniadau lleol ym Mhrestatyn, bydd digonedd o ddewis i gadw pawb yn hapus. Gallwch gael diwrnod llawn yn chwarae Golff Gwirion, ymweld â’r Sw Mynydd Cymreig a threulio’r prynhawn yn gwylio’r anifeiliaid anhygoel neu fynd am dro ar hyd Traeth Barkby yn awyr iach yr Hydref.
Ymlaciwch yn ein Hystafelloedd 4-seren
Mae gennym ddewis eang o ystafelloedd yma yng Ngwesty’r Traethau ar gyfer eich Gwyliau Calan Gaeaf. Mae ein hystafelloedd mawr cyfforddus yn cynnig golygfeydd o’r môr neu’r mynydd. Ac mae Traeth Barkby gerllaw, ni waeth pa ystafell y byddwch yn ei dewis. Ymlaciwch a mwynhewch y machlud gwych, gwasanaeth Wi-Fi am ddim, a’n cyfleusterau hamdden gan gynnwys y pwll nofio. Mae ein holl ystafelloedd ym Mhrestatyn yn cynnwys yr adnoddau gorau ac yn lleoliad delfrydol i ddychwelyd iddynt ar ôl diwrnod o hwyl Calan Gaeaf.
Bwyta gyda’r Teulu ym Mhrestatyn
Mae ein bwydlenni yng Ngwesty’r Traethau wedi’u hysbrydoli gan gynhwysion lleol a’u paratoi’n ffres gan ein cogyddion arbenigol i ddiwallu eich holl ofynion deietegol, gan gynnwys y plantos bach yn ystod Calan Gaeaf. Mae Bistro a Bar y Promenâd yn cynnig dewis eang o brydau sy’n addas i’r teulu cyfan, o frechdanau ffres i gig oen blasus wedi’i goginio mewn padell. Mae ein bwydlen i blant yn cynnig dewisiadau blasus a phoblogaidd. Bydd pawb yn barod ar gyfer diwrnod o hwyl gyda’r ysbrydion a’r bwganod yn ystod eich Gwyliau Calan Gaeaf.
