Ystafelloedd Dwbl ym Mhrestatyn, Cymru

Mae ein Hystafelloedd Dwbl yng Ngwesty’r Traethau yn cynnwys popeth fydd ei angen arnoch i ymlacio yn ystod eich arhosiad ym Mhrestatyn, a hynny eiliadau i ffwrdd o’r traeth euraid.

Dewch i aros yn ein Hystafelloedd Dwbl

Mae pob un o’n Hystafelloedd Dwbl wedi’u haddurno mewn lliwiau a defnyddiau cyfoes, ac maent yn berffaith ar gyfer cyplau sy’n chwilio am wyliau braf, hamddenol. Rydych yn siŵr o gael noson dda o gwsg yn ein gwelyau cyfforddus â’u dillad gwely gwyn braf. Yn ogystal â hyn, mae pob Ystafell Ddwbl yn cynnwys ystafell ymolchi ensuite gyda nwyddau ymolchi am ddim, teledu Clyfar, Wi-Fi am ddim, dŵr potel, bisgedi a chyfarpar i wneud te/coffi.

Yn ystod eich arhosiad gyda ni yng Ngwesty’r Traethau, gallwch flasu’r gorau o’n dewis helaeth o gynigion bwyd. Beth am ddewis pryd blasus ym Mar a Bistro’r Promenâd a mwynhau’r golygfeydd godidog o’r machlud ar draws Fôr Iwerddon a Thraeth Barkby. Bydd brecwast ffres a blasus yn aros amdanoch yn y bore, gan gynnwys golygfeydd gwych o’r môr (mae pob archeb uniongyrchol yn cynnwys brecwast)

Archebwch Ystafell Ddwbl yn Uniongyrchol i Arbed Arian

Mae dyluniad a maint pob ystafell yn wahanol, mae’r lluniau yn enghreifftiol yn unig